Hatha yoga Pradipika - Chapter 2: Pranayama, Sat-Kriya and Kumbhaka

dvitiyo-padeshah

द्वितीयोपदेशः

dvitīyo-padeśaḥ

chapter two

athāsane dr̥dhe yogī vaśī hita-mitā-aśanaḥ ।"
guru-upadiṣṭa-mārgeṇa prāṇāyāmān samabhyaset ॥1॥

cale vāte calaṁ cittaṁ niścale niścalaṁ bhavet ।"
yogī sthāṇutvam āpnoti tato vāyuṁ nirodhayet ॥2॥

yāvad vāyuḥ sthito dehe tāvaj jīvanam ucyate ।"
maraṇaṁ tasya niṣkrāntis tato vāyuṁ nirodhayet ॥3॥

mala-akalāsu nāḍīṣu māruto naiva madhya-gaḥ ।"
kathaṁ syād unmanī-bhāvaḥ kārya-siddhiḥ kathaṁ bhavet ॥4॥

śuddham eti yadā sarvaṁ nāḍī-cakraṁ malākulam ।"
tada-iva jāyate yogī prāṇa-saṁgrahaṇe kṣamaḥ ॥5॥

prāṇāyāmaṁ tataḥ kuryān nityaṁ sāttvikayā dhiyā ।"
yathā suṣumṇā-nāḍīsthā malāḥ śuddhiṁ prayānti ca ॥6॥

baddha-padmāsano yogī prāṇaṁ candreṇa pūrayet ।"
dhārayitvā yathā-śakti bhūyaḥ sūryeṇa recayet ॥7॥

prāṇaṁ sūryeṇa cākr̥ṣya pūrayed udaraṁ śanaiḥ ।"
vidhivat kumbhakaṁ kr̥tvā punaś candreṇa recayet ॥8॥

yena tyajet tena pītvā dhārayed atirodhataḥ ।"
recayec ca tato.anyena śanair eva na vegataḥ ॥9॥

prāṇaṁ ced iḍayā piben niyamitaṁ bhūyo.anyathā recayet "
pītvā piṅgalayā samīraṇam atho baddhvā tyajed vāmayā ।"
sūrya-candramasor anena vidhinābhyāsaṁ sadā tanvatāṁ"
śuddhā nāḍi-gaṇā bhavanti yamināṁ māsa-trayād ūrdhvataḥ ॥10॥

prātar madhyandine sāyam ardha-rātre ca kumbhakān ।"
śanair aśīti-paryantaṁ catur vāraṁ samabhyaset ॥11॥

kanīyasi bhaved sveda kampo bhavati madhyame ।"
uttame sthānam āpnoti tato vāyuṁ nibandhayet ॥12॥

jalena śrama-jātena gātra-mardanam ācaret ।"
dr̥ḍhatā laghutā ca-iva tena gātrasya jāyate ॥13॥

abhyāsa-kāle prathame śastaṁ kṣīrājya-bhojanam ।"
tato.abhyāse dr̥ḍhībhūte na tādr̥ṅ-niyama-grahaḥ ॥14॥

yathā siṁho gajo vyāghro bhaved vaśyaḥ śanaiḥ śanaiḥ ।"
tathaiva sevito vāyur anyathā hanti sādhakam ॥15॥

prāṇāyāmena yuktena sarva-roga-kṣayo bhavet ।"
ayuktābhyāsa-yogena sarva-roga-samudgamaḥ ॥16॥

hikkā śvāsaś ca kāsaś ca śiraḥ-karṇākṣi-vedanāḥ ।"
bhavanti vividhāḥ rogāḥ pavanasya prakopataḥ ॥17॥

yuktaṁ yuktaṁ tyajed vāyuṁ yuktaṁ yuktaṁ ca pūrayet ।"
yuktaṁ yuktaṁ ca badhnīyād evaṁ siddhim avāpnuyāt ॥18॥

yadā tu nāḍī-śuddhiḥ syāt tathā cihnāni bāhyataḥ ।"
kāyasya kr̥śatā kāntis tadā jāyate niścitam ॥19॥

yatheṣṭaṁ dhāraṇaṁ vāyor analasya pradīpanam ।"
nādābhivyaktir ārogyaṁ jāyate nāḍi-śodhanāt ॥20॥

meda-śleṣmādhikaḥ pūrvaṁ ṣaṭ-karmāṇi samācaret ।"
anyas tu nācaret tāni doṣāṇāṁ samabhāvataḥ ॥21॥

dhautir bastis tathā netis trāṭakaṁ naulikaṁ tathā ।"
kapāla-bhātiś ca-itāni ṣaṭ-karmāṇi pracakṣate ॥22॥

karma ṣaṭkam idaṁ gopyaṁ ghaṭa-śodhana-kārakam ।"
vicitra-guṇa-sandhāya pūjyate yogi-puṅgavaiḥ ॥23॥

tatra dhautiḥ-"
catur-aṅgula-vistāraṁ hasta-pañca-daśa-āyatam ।"
gurūpadiṣṭa-mārgeṇa siktaṁ vastraṁ śanair graset ।"
punaḥ pratyāharec ca-itad uditaṁ dhauti-karma tat ॥24॥

kāsa-śvāsa-plīha-kuṣṭhaṁ kapha-rogāś ca viṁśatiḥ ।"
dhauti-karma-prabhāveṇa prayānty eva na saṁśayaḥ ॥25॥

atha bastiḥ-"
nābhi-daghna-jale pāyau nyasta-nāl-otkaṭāsanaḥ ।"
ādhārākuñcanaṁ kuryāt kṣālanaṁ basti-karma tat ॥26॥

gulma-plīhodaraṁ cāpi vāta-pitta-kaph-odbhavāḥ ।"
basti-karma-prabhāveṇa kṣīyante sakalāmayāḥ ॥27॥

dhātv-indriya-antaḥkaraṇa-prasādaṁ"
dadhāc ca kāntiṁ dahana-pradīptam ।"
aśeṣa-doṣopacayaṁ nihanyād "
abhyasyamānaṁ jala-basti-karma ॥28॥

atha netiḥ-"
sūtraṁ vitasti-susnigdhaṁ nāsānāle praveśayet ।"
mukhān nirgamayec caiṣā netiḥ siddhair nigadyate ॥29॥

kapāla-śodhinī caiva divya-dr̥ṣṭi-pradāyinī ।"
jatrūrdhva-jāta-rogaughaṁ netir āśu nihanti ca ॥30॥

atha trāṭakam-"
nirīkṣen niścala-dr̥śā sūkṣma-lakṣyaṁ samāhitaḥ ।"
aśru-sampāta-paryantam ācāryais trāṭakaṁ smr̥tam ॥31॥

mocanaṁ netra-rogāṇāṁ tandrādrīṇāṁ kapāṭakam ।"
yatnatas trāṭakaṁ gopyaṁ yathā hāṭaka-peṭakam ॥32॥

atha nauliḥ-"
amanda-āvarta-vegena tundaṁ savya-apasavyataḥ ।"
natāṁso bhrāmayed eṣā nauliḥ siddhaiḥ praśasyate ॥33॥

manda-agni-sandīpana-pācanādi-sandhāpikānanda-karī sadaiva ।"
aśeṣa-doṣa-maya-śoṣaṇī ca haṭha-kriyā maulir iyaṁ ca nauliḥ ॥34॥

atha kapālabhātiḥ-"
bhastrāval loha-kārasya reca-pūrau sasambhramau ।"
kapālabhātir vikhyātā kapha-doṣa-viśoṣaṇī ॥35॥

ṣaṭ-karma-nirgata-sthaulya-kapha-doṣa-mala-ādikaḥ ।"
prāṇāyāmaṁ tataḥ kuryād anāyāsena siddhyati ॥36॥

prāṇāyāmair eva sarve praśuṣyanti malā iti ।"
ācāryāṇāṁ tu keṣāṁcid anyat karma na saṁmatam ॥37॥

atha gaja-karaṇī-"
udara-gata-padārtham udvamanti "
pavanam apānam udīrya kaṇṭha-nāle ।"
krama-paricaya-vaśya-nāḍi-cakrā"
gaja-karaṇīti nigadyate haṭhajñaiḥ ॥38॥

brahmādayo.api tridaśāḥ pavanābhyāsa-tatparāḥ ।"
abhūvann antaka-bhyāt tasmāt pavanam abhyaset ॥39॥

yāvad baddho marud dehe yāvac cittaṁ nirākulam ।"
yāvad dr̥ṣṭir bhruvor madhye tāvat kāla-bhayaṁ kutaḥ ॥40॥

vidhivat prāṇa-saṁyāmair nāḍī-cakre viśodhite ।"
suṣumṇā-vadanaṁ bhittvā sukhād viśati mārutaḥ ॥41॥

atha manonmanī-"
mārute madhya-saṁcāre manaḥ-sthairyaṁ prajāyate ।"
yo manaḥ-susthirī-bhāvaḥ saivāvasthā manonmanī ॥42॥

tat-siddhaye vidhānajñāś citrān kurvanti kumbhakān ।"
vicitra kumbhakābhyāsād vicitrāṁ siddhim āpnuyāt ॥43॥

atha kumbhaka-bhedāḥ--"
sūrya-bhedanam ujjāyī sītkārī śītalī tathā ।"
bhastrikā bhrāmarī mūrcchā plāvinīty aṣṭa-kumbhakāḥ ॥44॥

pūrakānte tu kartavyo bandho jālandharābhidhaḥ ।"
kumbhakānte recakādau kartavyas tūḍḍiyānakaḥ ॥45॥

adhastāt kuñcanenāśu kaṇṭha-saṅkocane kr̥te ।"
madhye paścima-tānena syāt prāṇo brahma-nāḍigaḥ ॥46॥

āpānam ūrdhvam utthāpya prāṇaṁ kaṇṭhād adho nayet ।"
yogī jarā-vimuktaḥ san ṣoḍaśābda-vayā bhavet ॥47॥

atha sūrya-bhedanam-"
āsane sukhade yogī baddhvā caivāsanaṁ tataḥ ।"
dakṣa-nāḍyā samākr̥ṣya bahiḥsthaṁ pavanaṁ śanaiḥ ॥48॥

ākeśād ānakhāgrāc ca nirodhāvadhi kumbhayet ।"
tataḥ śanaiḥ savya-nāḍyā recayet pavanaṁ śanaiḥ ॥49॥

kapāla-śodhanaṁ vāta-doṣa-ghnaṁ kr̥mi-doṣa-hr̥t ।"
punaḥ punar idaṁ kāryaṁ sūrya-bhedanam uttamam ॥50॥

atha ujjāyī-"
mukhaṁ saṁyamya nāḍībhyām ākr̥ṣya pavanaṁ śanaiḥ ।"
yathā lagati kaṇṭhāt tu hr̥dayāvadhi sa-svanam ॥51॥

pūrvavat kumbhayet prāṇaṁ recayed iḍayā tathā ।"
śleṣma-doṣa-haraṁ kaṇṭhe dehānala-vivardhanam ॥52॥

nāḍī-jalodarādhātu-gata-doṣa-vināśanam ।"
gacchatā tiṣṭhatā kāryam ujjāyy ākhyaṁ tu kumbhakam ॥53॥

atha sītkārī-"
sītkāṁ kuryāt tathā vaktre ghrāṇenaiva vijr̥mbhikām ।"
evam abhyāsa-yogena kāma-devo dvitīyakaḥ ॥54॥

yoginī cakra-saṁmānyaḥ sr̥ṣṭi-saṁhāra-kārakaḥ ।"
na kṣudhā na tr̥ṣā nidrā naivālasyaṁ prajāyate ॥55॥

bhavet sattvaṁ ca dehasya sarvopadrava-varjitaḥ ।"
anena vidhinā satyaṁ yogīndro bhūmi-maṇḍale ॥56॥

atha śītalī-"
jihvayā vāyum ākr̥ṣya pūrvavat kumbha-sādhanam ।"
śanakair ghrāṇa-randhrābhyāṁ recayet pavanaṁ sudhīḥ ॥57॥

gulma-plīhādikān rogān jvaraṁ pittaṁ kṣudhāṁ tr̥ṣām ।"
viṣāṇi śītalī nāma kumbhikeyaṁ nihanti hi ॥58॥

atha bhastrikā-"
ūrvor upari saṁsthāpya śubhe pāda-tale ubhe ।"
padmāsanaṁ bhaved etat sarva-pāpa-praṇāśanam ॥59॥

samyak padmāsanaṁ baddhvā sama-grīvodaraḥ sudhīḥ ।"
mukhaṁ saṁyamya yatnena prāṇaṁ ghrāṇena recayet ॥60॥

yathā lagati hr̥t-kaṇṭhe kapālāvadhi sa-svanam ।"
vegena pūrayec cāpi hr̥t-padmāvadhi mārutam ॥61॥

punar virecayet tadvat pūrayec ca punaḥ punaḥ ।"
yathaiva lohakāreṇa bhastrā vegena cālyate ॥62॥

tathaiva sva-śarīra-sthaṁ cālayet pavanaṁ dhiyā ।"
yadā śramo bhaved dehe tadā sūryeṇa pūrayet ॥63॥

yathodaraṁ bhavet pūrṇam anilena tathā laghu ।"
dhārayen nāsikāṁ madhyā-tarjanībhyāṁ vinā dr̥ḍham ॥64॥

vidhivat kumbhakaṁ kr̥tvā recayed iḍayānilam ।"
vāta-pitta-śleṣma-haraṁ śarīrāgni-vivardhanam ॥65॥

kuṇḍalī bodhakaṁ kṣipraṁ pavanaṁ sukhadaṁ hitam ।"
brahma-nāḍī-mukhe saṁstha-kaphādy-argala-nāśanam ॥66॥

samyag gātra-samudbhūta-granthi-traya-vibhedakam ।"
viśeṣeṇaiva kartavyaṁ bhastrākhyaṁ kumbhakaṁ tv idam ॥67॥

atha bhrāmarī-"
vegād ghoṣaṁ pūrakaṁ bhr̥ṅga-nādaṁ "
bhr̥ṅgī-nādaṁ recakaṁ manda-mandam ।"
yogīndrāṇ?am evam abhyāsa-yogāc"
citte jātā kācid ānanda-līlā ॥68॥

atha mūrcchā-"
pūrakānte gāḍhataraṁ baddhvā jālandharaṁ śanaiḥ ।"
recayen mūrcchākhyeyaṁ mano-mūrcchā sukha-pradā ॥69॥

atha plāvinī-"
antaḥ pravartitodāra-mārutāpūritodaraḥ ।"
payasy agādhe.api sukhāt plavate padma-patravat ॥70॥

prāṇāyāmas tridhā prokto reca-pūraka-kumbhakaiḥ ।"
sahitaḥ kevalaś ceti kumbhako dvividho mataḥ ॥71॥

yāvat kevala-siddhiḥ syāt sahitaṁ tāvad abhyaset ।"
recakaṁ pūrakaṁ muktvā sukhaṁ yad vāyu-dhāraṇam ॥72॥

prāṇāyāmo.ayam ity uktaḥ sa vai kevala-kumbhakaḥ ।"
kumbhake kevale siddhe reca-pūraka-varjite ॥73॥

na tasya durlabhaṁ kiṁcit triṣu lokeṣu vidyate ।"
śaktaḥ kevala-kumbhena yatheṣṭaṁ vāyu-dhāraṇāt ॥74॥

rāja-yoga-padaṁ cāpi labhate nātra saṁśayaḥ ।"
kumbhakāt kuṇḍalī-bodhaḥ kuṇḍalī-bodhato bhavet ।"
anargalā suṣumṇā ca haṭha-siddhiś ca jāyate ॥75॥

haṭhaṁ vinā rājayogo rāja-yogaṁ vinā haṭhaḥ ।"
na sidhyati tato yugmam āniṣpatteḥ samabhyaset ॥76॥

kumbhaka-prāṇa-rodhānte kuryāc cittaṁ nirāśrayam ।"
evam abhyāsa-yogena rāja-yoga-padaṁ vrajet ॥77॥

vapuḥ kr̥śatvaṁ vadane prasannatā"
nāda-sphuṭatvaṁ nayane sunirmale ।"
arogatā bindu-jayo.agni-dīpanaṁ"
nāḍī-viśuddhir haṭha-siddhi-lakṣaṇam ॥78॥