Hatha Yoga Pradipika - Chapter 3

tritiyopadeshah

तॄतीयोपदेशः

tr̥̄tīyopadeśaḥ

third chapter

sa-śaila-vana-dhātrīṇāṁ yathādhāro.ahi-nāyakaḥ ।"
sarveṣāṁ yoga-tantrāṇāṁ tathādhāro hi kuṇḍalī ॥1॥

suptā guru-prasādena yadā jāgarti kuṇḍalī ।"
tadā sarvāṇi padmāni bhidyante granthayo.api ca ॥2॥

prāṇasya śūnya-padavī tadā rājapathāyate ।"
tadā cittaṁ nirālambaṁ tadā kālasya vañcanam ॥3॥

suṣumṇā śūnya-padavī brahma-randhraḥ mahāpathaḥ ।"
śmaśānaṁ śāmbhavī madhya-mārgaś cety eka-vācakāḥ ॥4॥

tasmāt sarva-prayatnena prabodhayitum īśvarīm ।"
brahma-dvāra-mukhe suptāṁ mudrābhyāsaṁ samācaret ॥5॥

mahāmudrā mahābandho mahāvedhaś ca khecarī ।"
uḍḍīyānaṁ mūlabandhaś ca bandho jālandharābhidhaḥ ॥6॥

karaṇī viparītākhyā vajrolī śakti-cālanam ।"
idaṁ hi mudrā-daśakaṁ jarā-maraṇa-nāśanam ॥7॥

ādināthoditaṁ divyam aṣṭaiśvarya-pradāyakam ।"
vallabhaṁ sarva-siddhānāṁ durlabhaṁ marutām api ॥8॥

gopanīyaṁ prayatnena yathā ratna-karaṇḍakam ।"
kasyacin naiva vaktavyaṁ kula-strī-surataṁ yathā ॥9॥

atha mahā-mudrā"
pāda-mūlena vāmena yoniṁ sampīḍya dakṣiṇām ।"
prasāritaṁ padaṁ kr̥tvā kara-ābhyāṁ dhārayed dr̥ḍham ॥10॥

kaṇṭhe bandhaṁ samāropya dhārayed vāyum ūrdhvataḥ ।"
yathā daṇḍa-hataḥ sarpo daṇḍākāraḥ prajāyate ॥11॥

r̥jvī-bhūtā tathā śaktiḥ kuṇḍalī sahasā bhavet ।"
tadā sā maraṇāvasthā jāyate dvi-puṭā-śrayā ॥12॥

tataḥ śanaiḥ śanair eva recayen naiva vegataḥ ।"
mahā-mudrāṁ ca tenaiva vadanti vibudhottamāḥ ॥13॥

iyaṁ khalu mahāmudrā mahā-siddhaiḥ pradarśitā ।"
mahā-kleśādayo doṣāḥ kṣīyante maraṇādayaḥ ।"
mahā-mudrāṁ ca tenaiva vadanti vibudhottamāḥ ॥14॥

candrāṅge tu samabhyasya sūryāṅge punar abhyaset ।"
yāvat-tulyā bhavet saṅkhyā tato mudrāṁ visarjayet ॥15॥

na hi pathyam apathyaṁ vā rasāḥ sarve.api nīrasāḥ ।"
api bhuktaṁ viṣaṁ ghoraṁ pīyūṣam api jīryati ॥16॥

kṣaya-kuṣṭha-gudāvarta-gulmājīrṇa-purogamāḥ ।"
tasya doṣāḥ kṣayaṁ yānti mahāmudrāṁ tu yo.abhyaset ॥17॥

kathiteyaṁ mahāmudrā mahā-siddhi-karā nr̥ṇām ।"
gopanīyā prayatnena na deyā yasya kasyacit ॥18॥

atha mahā-bandhaḥ-"
pārṣṇiṁ vāmasya pādasya yoni-sthāne niyojayet ।"
vāmorūpari saṁsthāpya dakṣiṇaṁ caraṇaṁ tathā ॥19॥

pūrayitvā tato vāyuṁ hr̥daye cubukaṁ dr̥ḍham ।"
niṣpīḍyaṁ vāyum ākuñcya mano-madhye niyojayet ॥20॥

dhārayitvā yathā-śakti recayed anilaṁ śanaiḥ ।"
savyāṅge tu samabhyasya dakṣāṅge punar abhyaset ॥21॥

matam atra tu keṣāṁcit kaṇṭha-bandhaṁ vivarjayet ।"
rāja-danta-stha-jihvāyā bandhaḥ śasto bhaved iti ॥22॥

ayaṁ tu sarva-nāḍīnām ūrdhvaṁ gati-nirodhakaḥ ।"
ayaṁ khalu mahā-bandho mahā-siddhi-pradāyakaḥ ॥23॥

kāla-pāśa-mahā-bandha-vimocana-vicakṣaṇaḥ ।"
triveṇī-saṅgamaṁ dhatte kedāraṁ prāpayen manaḥ ॥24॥

rūpa-lāvaṇya-sampannā yathā strī puruṣaṁ vinā ।"
mahā-mudrā-mahā-bandhau niṣphalau vedha-varjitau ॥25॥

atha mahā-vedhaḥ-"
mahā-bandha-sthito yogī kr̥tvā pūrakam eka-dhīḥ ।"
vāyūnāṁ gatim āvr̥tya nibhr̥taṁ kaṇṭha-mudrayā ॥26॥

sama-hasta-yugo bhūmau sphicau sanāḍayec chanaiḥ ।"
puṭa-dvayam atikramya vāyuḥ sphurati madhyagaḥ ॥27॥

soma-sūryāgni-sambandho jāyate cāmr̥tāya vai ।"
mr̥tāvasthā samutpannā tato vāyuṁ virecayet ॥28॥

mahā-vedho.ayam abhyāsān mahā-siddhi-pradāyakaḥ ।"
valī-palita-vepa-ghnaḥ sevyate sādhakottamaiḥ ॥29॥

etat trayaṁ mahā-guhyaṁ jarā-mr̥tyu-vināśanam ।"
vahni-vr̥ddhi-karaṁ caiva hy aṇimādi-guṇa-pradam ॥30॥

aṣṭadhā kriyate caiva yāme yāme dine dine ।"
puṇya-saṁbhāra-sandhāya pāpaugha-bhiduraṁ sadā ।"
samyak-śikṣāvatām evaṁ svalpaṁ prathama-sādhanam ॥31॥

atha khecarī-"
kapāla-kuhare jihvā praviṣṭā viparītagā ।"
bhruvor antargatā dr̥ṣṭir mudrā bhavati khecarī ॥32॥

chedana-cālana-dohaiḥ kalāṁ krameṇātha vardhayet tāvat ।"
sā yāvad bhrū-madhyaṁ spr̥śati tadā khecarī-siddhiḥ ॥33॥

snuhī-patra-nibhaṁ śastraṁ sutīkṣṇaṁ snigdha-nirmalam ।"
samādāya tatas tena roma-mātraṁ samucchinet ॥34॥

tataḥ saindhava-pathyābhyāṁ cūrṇitābhyāṁ pragharṣayet ।"
punaḥ sapta-dine prāpte roma-mātraṁ samucchinet ॥35॥

evaṁ krameṇa ṣaṇ-māsaṁ nityaṁ yuktaḥ samācaret ।"
ṣaṇmāsād rasanā-mūla-śirā-bandhaḥ praṇaśyati ॥36॥

kalāṁ parāṅmukhīṁ kr̥tvā tripathe pariyojayet ।"
sā bhavet khecarī mudrā vyoma-cakraṁ tad ucyate ॥37॥

rasanām ūrdhvagāṁ kr̥tvā kṣaṇārdham api tiṣṭhati ।"
viṣair vimucyate yogī vyādhi-mr̥tyu-jarādibhiḥ ॥38॥

na rogo maraṇaṁ tandrā na nidrā na kṣudhā tr̥ṣā ।"
na ca mūrcchā bhavet tasya yo mudrāṁ vetti khecarīm ॥39॥

pīḍyate na sa rogeṇa lipyate na ca karmaṇā ।"
bādhyate na sa kālena yo mudrāṁ vetti khecarīm ॥40॥

cittaṁ carati khe yasmāj jihvā carati khe gatā ।"
tenaiṣā khecarī nāma mudrā siddhair nirūpitā ॥41॥

khecaryā mudritaṁ yena vivaraṁ lambikordhvataḥ ।"
na tasya kṣarate binduḥ kāminyāḥ śleṣitasya ca ॥42॥

calito.api yadā binduḥ samprāpto yoni-maṇḍalam ।"
vrajaty ūrdhvaṁ hr̥taḥ śaktyā nibaddho yoni-mudrayā ॥43॥

ūrdhva-jihvaḥ sthiro bhūtvā somapānaṁ karoti yaḥ ।"
māsārdhena na sandeho mr̥tyuṁ jayati yogavit ॥44॥

nityaṁ soma-kalā-pūrṇaṁ śarīraṁ yasya yoginaḥ ।"
takṣakeṇāpi daṣṭasya viṣaṁ tasya na sarpati ॥45॥

indhanāni yathā vahnis taila-varti ca dīpakaḥ ।"
tathā soma-kalā-pūrṇaṁ dehī dehaṁ na muñcati ॥46॥

gomāṁsaṁ bhakṣayen nityaṁ pibed amara-vāruṇīm ।"
kulīnaṁ tam ahaṁ manye cetare kula-ghātakāḥ ॥47॥

go-śabdenoditā jihvā tat praveśo hi tāluni ।"
go-māṁsa-bhakṣaṇaṁ tat tu mahā-pātaka-nāśanam ॥48॥

jihvā-praveśa-sambhūta-vahninotpāditaḥ khalu ।"
candrāt sravati yaḥ sāraḥ sā syād amara-vāruṇī ॥49॥

cumbantī yadi lambikāgram aniśaṁ jihvā-rasa-syandinī"
sa-kṣārā kaṭukāmla-dugdha-sadr̥śī madhvājya-tulyā tathā ।"
vyādhīnāṁ haraṇaṁ jarānta-karaṇaṁ śastrāgamodīraṇaṁ"
tasya syād amaratvam aṣṭa-guṇitaṁ siddhāṅganākarṣaṇam ॥50॥

mūrdhnaḥ ṣoḍaśa-patra-padma-galitaṁ prāṇād avāptaṁ haṭhād"
ūrdvhāsyo rasanāṁ niyamya vivare śaktiṁ parāṁ cintayan ।"
utkallola-kalā-jalaṁ ca vimalaṁ dhārāmayaṁ yaḥ piben"
nirvyādhiḥ sa mr̥ṇāla-komala-vapur yogī ciraṁ jīvati ॥51॥

yat prāleyaṁ prahita-suṣiraṁ meru-mūrdhāntara-sthaṁ"
tasmiṁs tattvaṁ pravadati sudhīs tan-mukhaṁ nimnagānām ।"
candrāt sāraḥ sravati vapuṣas tena mr̥tyur narāṇāṁ"
tad badhnīyāt sukaraṇam adho nānyathā kāya-siddhiḥ ॥52॥

suṣiraṁ jñāna-janakaṁ pañca-srotaḥ-samanvitam ।"
tiṣṭhate khecarī mudrā tasmin śūnye nirañjane ॥53॥

ekaṁ sr̥ṣṭimayaṁ bījam ekā mudrā ca khecarī ।"
eko devo nirālamba ekāvasthā manonmanī ॥54॥

atha uḍḍīyāna-bandhaḥ-"
baddho yena suṣumṇāyāṁ prāṇas tūḍḍīyate yataḥ ।"
tasmād uḍḍīyanākhyo.ayaṁ yogibhiḥ samudāhr̥taḥ ॥55॥

uḍḍīnaṁ kurute yasmād aviśrāntaṁ mahā-khagaḥ ।"
uḍḍīyānaṁ tad eva syāt tava bandho.abhidhīyate ॥56॥

udare paścimaṁ tānaṁ nābher ūrdhvaṁ ca kārayet ।"
uḍḍīyāno hy asau bandho mr̥tyu-mātaṅga-kesarī ॥57॥

uḍḍīyānaṁ tu sahajaṁ guruṇā kathitaṁ sadā ।"
abhyaset satataṁ yas tu vr̥ddho.api taruṇāyate ॥58॥

nābher ūrdhvam adhaś cāpi tānaṁ kuryāt prayatnataḥ ।"
ṣaṇmāsam abhyasen mr̥tyuṁ jayaty eva na saṁśayaḥ ॥59॥

sarveṣām eva bandhānāṁ uttamo hy uḍḍīyānakaḥ ।"
uḍḍiyāne dr̥ḍhe bandhe muktiḥ svābhāvikī bhavet ॥60॥

atha mūla-bandhaḥ-"
pārṣṇi-bhāgena sampīḍya yonim ākuñcayed gudam ।"
apānam ūrdhvam ākr̥ṣya mūla-bandho.abhidhīyate ॥61॥

adho-gatim apānaṁ vā ūrdhvagaṁ kurute balāt ।"
ākuñcanena taṁ prāhur mūla-bandhaṁ hi yoginaḥ ॥62॥

gudaṁ pārṣṇyā tu sampīḍya vāyum ākuñcayed balāt ।"
vāraṁ vāraṁ yathā cordhvaṁ samāyāti samīraṇaḥ ॥63॥

prāṇāpānau nāda-bindū mūla-bandhena caikatām ।"
gatvā yogasya saṁsiddhiṁ yacchato nātra saṁśayaḥ ॥64॥

apāna-prāṇayor aikyaṁ kṣayo mūtra-purīṣayoḥ ।"
yuvā bhavati vr̥ddho.api satataṁ mūla-bandhanāt ॥65॥

apāna ūrdhvage jāte prayāte vahni-maṇḍalam ।"
tadānala-śikhā dīrghā jāyate vāyunāhatā ॥66॥

tato yāto vahny-apānau prāṇam uṣṇa-svarūpakam ।"
tenātyanta-pradīptas tu jvalano dehajas tathā ॥67॥

tena kuṇḍalinī suptā santaptā samprabudhyate ।"
daṇḍāhatā bhujaṅgīva niśvasya r̥jutāṁ vrajet ॥68॥

bilaṁ praviṣṭeva tato brahma-nāḍyaṁ taraṁ vrajet ।"
tasmān nityaṁ mūla-bandhaḥ kartavyo yogibhiḥ sadā ॥69॥

atha jalandhara-bandhaḥ-"
kaṇṭham ākuñcya hr̥daye sthāpayec cibukaṁ dr̥ḍham ।"
bandho jālandharākhyo.ayaṁ jarā-mr̥tyu-vināśakaḥ ॥70॥

badhnāti hi sirājālam adho-gāmi nabho-jalam ।"
tato jālandharo bandhaḥ kaṇṭha-duḥkhaugha-nāśanaḥ ॥71॥

jālandhare kr̥te bandhe kaṇṭha-saṁkoca-lakṣaṇe ।"
na pīyūṣaṁ pataty agnau na ca vāyuḥ prakupyati ॥72॥

kaṇṭha-saṁkocanenaiva dve nāḍyau stambhayed dr̥ḍham ।"
madhya-cakram idaṁ jñeyaṁ ṣoḍaśādhāra-bandhanam ॥73॥

mūla-sthānaṁ samākuñcya uḍḍiyānaṁ tu kārayet ।"
iḍāṁ ca piṅgalāṁ baddhvā vāhayet paścime pathi ॥74॥

anenaiva vidhānena prayāti pavano layam ।"
tato na jāyate mr̥tyur jarā-rogādikaṁ tathā ॥75॥

bandha-trayam idaṁ śreṣṭhaṁ mahā-siddhaiś ca sevitam ।"
sarveṣāṁ haṭha-tantrāṇāṁ sādhanaṁ yogino viduḥ ॥76॥

yat kiṁcit sravate candrād amr̥taṁ divya-rūpiṇaḥ ।"
tat sarvaṁ grasate sūryas tena piṇḍo jarāyutaḥ ॥77॥

atha viparīta-karaṇī mudrā-"
tatrāsti karaṇaṁ divyaṁ sūryasya mukha-vañcanam ।"
gurūpadeśato jñeyaṁ na tu śāstrārtha-koṭibhiḥ ॥78॥

ūrdhva-nābher adhas tālor ūrdhvaṁ bhānur adhaḥ śaśī ।"
karaṇī viparītākhā guru-vākyena labhyate ॥79॥

nityam abhyāsa-yuktasya jaṭharāgni-vivardhanī ।"
āhāro bahulas tasya sampādyaḥ sādhakasya ca ॥80॥

alpāhāro yadi bhaved agnir dahati tat-kṣaṇāt ।"
adhaḥ-śirāś cordhva-pādaḥ kṣaṇaṁ syāt prathame dine ॥81॥

kṣaṇāc ca kiṁcid adhikam abhyasec ca dine dine ।"
valitaṁ palitaṁ caiva ṣaṇmāsordhvaṁ na dr̥śyate ।"
yāma-mātraṁ tu yo nityam abhyaset sa tu kālajit ॥82॥

atha vajrolī-"
svecchayā vartamāno.api yogoktair niyamair vinā ।"
vajrolīṁ yo vijānāti sa yogī siddhi-bhājanam ॥83॥

tatra vastu-dvayaṁ vakṣye durlabhaṁ yasya kasyacit ।"
kṣīraṁ caikaṁ dvitīyaṁ tu nārī ca vaśa-vartinī ॥84॥

mehanena śanaiḥ samyag ūrdhvākuñcanam abhyaset ।"
puruṣo.apy athavā nārī vajrolī-siddhim āpnuyāt ॥85॥

yatnataḥ śasta-nālena phūtkāraṁ vajra-kandare ।"
śanaiḥ śanaiḥ prakurvīta vāyu-saṁcāra-kāraṇāt ॥86॥

nārī-bhage padad-bindum abhyāsenordhvam āharet ।"
calitaṁ ca nijaṁ bindum ūrdhvam ākr̥ṣya rakṣayet ॥87॥

evaṁ saṁrakṣayed binduṁ jayati yogavit ।"
maraṇaṁ bindu-pātena jīvanaṁ bindu-dhāraṇāt ॥88॥

sugandho yogino dehe jāyate bindu-dhāraṇāt ।"
yāvad binduḥ sthiro dehe tāvat kāla-bhayaṁ kutaḥ ॥89॥

cittāyattaṁ nR̥ṇāṁ śukraṁ śukrāyattaṁ ca jīvitam ।"
tasmāc chukraṁ manaś caiva rakṣaṇīyaṁ prayatnataḥ ॥90॥

r̥tumatyā rajo.apy evaṁ nijaṁ binduṁ ca rakṣayet ।"
meḍhreṇākarṣayed ūrdhvaṁ samyag abhyāsa-yoga-vit ॥91॥

atha sahajoliḥ-"
sahajoliś cāmarolir vajrolyā bheda ekataḥ ।"
jale subhasma nikṣipya dagdha-gomaya-sambhavam ॥92॥

vajrolī-maithunād ūrdhvaṁ strī-puṁsoḥ svāṅga-lepanam ।"
āsīnayoḥ sukhenaiva mukta-vyāpārayoḥ kṣaṇāt ॥93॥

sahajolir iyaṁ proktā śraddheyā yogibhiḥ sadā ।"
ayaṁ śubha-karo yogo bhoga-yukto.api muktidaḥ ॥94॥

ayaṁ yogaḥ puṇyavatāṁ dhīrāṇāṁ tattva-darśinām ।"
nirmatsarāṇāṁ vai sidhyen na tu matsara-śālinām ॥95॥

atha amarolī-"
pittolbaṇatvāt prathamāmbu-dhārāṁ"
vihāya niḥsāratayānty adhārām ।"
niṣevyate śītala-madhya-dhārā"
kāpālike khaṇḍamate.amarolī ॥96॥

amarīṁ yaḥ piben nityaṁ nasyaṁ kurvan dine dine ।"
vajrolīm abhyaset samyak sāmarolīti kathyate ॥97॥

abhyāsān niḥsr̥tāṁ cāndrīṁ vibhūtyā saha miśrayet ।"
dhārayed uttamāṅgeṣu divya-dr̥ṣṭiḥ prajāyate ॥98॥

puṁso binduṁ samākuñcya samyag abhyāsa-pāṭavāt ।"
yadi nārī rajo rakṣed vajrolyā sāpi yoginī ॥99॥

tasyāḥ kiṁcid rajo nāśaṁ na gacchati na saṁśayaḥ ।"
tasyāḥ śarīre nādaś ca bindutām eva gacchati ॥100॥

sa bindus tad rajaś caiva ekībhūya svadehagau ।"
vajroly-abhyāsa-yogena sarva-siddhiṁ prayacchataḥ ॥101॥

rakṣed ākuñcanād ūrdhvaṁ yā rajaḥ sā hi yoginī ।"
atītānāgataṁ vetti khecarī ca bhaved dhruvam ॥102॥

deha-siddhiṁ ca labhate vajroly-abhyāsa-yogataḥ ।"
ayaṁ puṇya-karo yogo bhoge bhukte.api muktidaḥ ॥103॥

atha śakti-cālanam-"
kuṭilāṅgī kuṇḍalinī bhujaṅgī śaktir īśvarī ।"
kuṇḍaly arundhatī caite śabdāḥ paryāya-vācakāḥ ॥104॥

udghāṭayet kapāṭaṁ tu yathā kuṁcikayā haṭhāt ।"
kuṇḍalinyā tathā yogī mokṣadvāraṁ vibhedayet ॥105॥

yena mārgeṇa gantavyaṁ brahma-sthānaṁ nirāmayam ।"
mukhenācchādya tad vāraṁ prasuptā parameśvarī ॥106॥

kandordhve kuṇḍalī śaktiḥ suptā mokṣāya yoginām ।"
bandhanāya ca mūḍhānāṁ yas tāṁ vetti sa yogavit ॥107॥

kuṇḍalī kuṭilākārā sarpavat parikīrtitā ।"
sā śaktiś cālitā yena sa mukto nātra saṁśayaḥ ॥108॥

gaṅgā-yamunayor madhye bāla-raṇḍāṁ tapasvinīm ।"
balātkāreṇa gr̥hṇīyāt tad viṣṇoḥ paramaṁ padam ॥109॥

iḍā bhagavatī gaṅgā piṅgalā yamunā nadī ।"
iḍā-piṅgalayor madhye bālaraṇḍā ca kuṇḍalī ॥110॥

pucche pragr̥hya bhujaṅgīṁ suptām udbodhayec ca tām ।"
nidrāṁ vihāya sā śaktir ūrdhvam uttiṣṭhate haṭhāt ॥111॥

avasthitā caiva phaṇāvatī sā"
prātaś ca sāyaṁ praharārdha-mātram ।"
prapūrya sūryāt paridhāna-yuktyā"
pragr̥hya nityaṁ paricālanīyā ॥112॥

ūrdhvaṁ vitasti-mātraṁ tu vistāraṁ caturaṅgulam ।"
mr̥dulaṁ dhavalaṁ proktaṁ veṣṭitāmbara-lakṣaṇam ॥113॥

sati vajrāsane pādau karābhyāṁ dhārayed dr̥ḍham ।"
gulpha-deśa-samīpe ca kandaṁ tatra prapīḍayet ॥114॥

vajrāsane sthito yogī cālayitvā ca kuṇḍalīm ।"
kuryād anantaraṁ bhastrāṁ kuṇḍalīm āśu bodhayet ॥115॥

bhānor ākuñcanaṁ kuryāt kuṇḍalīṁ cālayet tataḥ ।"
mr̥tyu-vaktra-gatasyāpi tasya mr̥tyu-bhayaṁ kutaḥ ॥116॥

muhūrta-dvaya-paryantaṁ nirbhayaṁ cālanād asau ।"
ūrdhvam ākr̥ṣyate kiṁcit suṣumṇāyāṁ samudgatā ॥117॥

tena kuṇḍalinī tasyāḥ suṣumṇāyā mukhaṁ dhruvam ।"
jahāti tasmāt prāṇo.ayaṁ suṣumṇāṁ vrajati svataḥ ॥118॥

tasmāt saṁcālayen nityaṁ sukha-suptām arundhatīm ।"
tasyāḥ saṁcālanenaiva yogī rogaiḥ pramucyate ॥119॥

yena saṁcālitā śaktiḥ sa yogī siddhi-bhājanam ।"
kim atra bahunoktena kālaṁ jayati līlayā ॥120॥

brahmacarya-ratasyaiva nityaṁ hita-mitāśinaḥ ।"
maṇḍalād dr̥śyate siddhiḥ kuṇḍaly-abhyāsa-yoginaḥ ॥121॥

kuṇḍalīṁ cālayitvā tu bhastrāṁ kuryād viśeṣataḥ ।"
evam abhyasyato nityaṁ yamino yama-bhīḥ kutaḥ ॥122॥

dvā-saptati-sahasrāṇāṁ nāḍīnāṁ mala-śodhane ।"
kutaḥ prakṣālanopāyaḥ kuṇḍaly-abhyasanād r̥te ॥123॥

iyaṁ tu madhyamā nāḍī dr̥ḍhābhyāsena yoginām ।"
āsana-prāṇa-saṁyāma-mudrābhiḥ saralā bhavet ॥124॥

abhyāse tu vinidrāṇāṁ mano dhr̥tvā samādhinā ।"
rudrāṇī vā parā mudrā bhadrāṁ siddhiṁ prayacchati ॥125॥

rāja-yogaṁ vinā pr̥thvī rāja-yogaṁ vinā niśā ।"
rāja-yogaṁ vinā mudrā vicitrāpi na śobhate ॥126॥

mārutasya vidhiṁ sarvaṁ mano-yuktaṁ samabhyaset ।"
itaratra na kartavyā mano-vr̥ttir manīṣiṇā ॥127॥

iti mudrā daśa proktā ādināthena śambhunā ।"
ekaikā tāsu yamināṁ mahā-siddhi-pradāyinī ॥128॥

upadeśaṁ hi mudrāṇāṁ yo datte sāmpradāyikam ।"
sa eva śrī-guruḥ svāmī sākṣād īśvara eva saḥ ॥129॥

tasya vākya-paro bhūtvā mudrābhyāse samāhitaḥ ।"
aṇimādi-guṇaiḥ sārdhaṁ labhate kāla-vañcanam ॥130॥